Duháhiid jagiid leat Davviriikkalaccat guodohan šibihiiddeset mehciin. Guohtun váikkuha meahcceeatnamiid šaddui. Eatnamis, gos guhkes áigái ii leat guhttojuvvon, guhtot eallit álbmámus šattuid buot ovddemus. Dat dagaha dadi mielde ahte álmmehis šattut šaddagohtet álbmás šattuid sadjái. Jus eanan guodohuvvo jodáneappot go šaddá, de leat das duodalaš váikkuhusat – báikái šaddagohtet dušše almmehis šattut dahje dakkárat mat eai borat, dahje eanan guorbá oalát. Lea hui duodalaš jus báhcet dušše almmehis šattut dahje hilskut. Jus eanan guorbá, de sáhttá erošuvdna/cilvun agibeaivái billisit eatnama.Dán raporttas fuomášuhttit movt eanan ieš muitala guohtuma ja šattu birra, ja oahpaha olbmuide šattolašvuoda ja guohtuma dovdomearkkaid.Go dáid mearkkaid oahppat dovdat, de sáhttit buorebut heivehit guohtuma eatnama gierdanmeriid mielde, ja nu seailluhit eatnama boahttevaš buolvvaide.