Hesi seinastu 40 árini hava Norðurlond rokkið avgerandi úrslitum við at samstarva á umhvørvisøkinum. Londini hava megnað at samskipa búskaparligan vøkstur og vælferðarmenning við ein framsóknan umhvørvispolitikk og hava á virknan hátt lagt afturat umhvørvisligar betringar bæði í Norðurlondum og í altjóða samanhangi. At menna burðardygga framleiðslu og nýtslu, umhvørvisgóða tøkni og grønan búskaparligan vøkstur í samstarvi við aðrar geirar og øki í samfelagnum, har ímillum vinnulív og altjóða felagsskapir, fara at verða týdningarmiklar avbjóðingar í norðurlendska samstarvinum.