Nuorat leat álgán gáibidit suodjalit luonddu miehtá máilmmi. Jagi 2020 galgat adopteret ođđa globála šiehtadusa lundui ja olbmuide, ja dainna ásahit mihttomeriid planehta biologalaš girjáivuođa ja ekovuogádagaid suodjaleapmái ja seailluheapmái. Nuorra olbmuid guldaleapmi ođđa mihttomeriid ásahettiin lea erenoamáš dehálaš, go dát ii váikkut dušše dálá sohkabuolvvaide, baicca maiddái boahttevaš buolvvaide ja sin ealáhusaide.

Mii háliidit davviriikkalaš guovllus sihkkarastit, ahte nuoraid jienaid guldalit, ja danin mii leat duddjon dáid bargoneavvuid nuoraid mielde váldimii ođđa mihttomeriid ásaheapmái biologalaš girjáivuođa ja ekovuogádagaid suodjaleami ja suvdilis geavaheami várás. Dánu mii sihkkarastit ođđa globála šiehtadusa lundui ja olbmuide! Bargoneavvut leat nuorra olbmuide ja daidda, geat háliidit váldit nuoraid mielde ođđa globála luonddu ja olbmuid šiehtadusa duddjomii. Juohkehaš gii háliida lágidit, fasiliteret já oassálastit nuoraid konsulteremiidda sáhttá geavahit dáid bargoneavvuid. Bohtosiid sáh tit sáddet viidásit mearrideaddjiide, álbmogii ja eará dehálaš institušuvnnaide, ja dat šaddet oassin stuorát nuoraidlihkadusas miehtá máilmmi.

Ulbmilin lea doarjut nuorra olbmuid, nuoraidservviid ja eará beroštuvvan joavkkuid go sii fasiliterejit ságastallamiid guovddáš čuolmmain mat laktásit ođđa luonddu ja olbmuid šiehtadussii, ja sihkkarastit nuoraid bargobáji bohtosiid jáhkehahttivuođa.

Bargoneavvut leat duddjojuvvon Davviriikkalaš ráđi ja Davviriikkalaš ministtarráđi sihke davviriikkaid nuoraid lagaš ovttasbarggus.

Daidda geat dárbbašit doarjaga bargobájiid ja konsulteremiid lágideapmái lea dahkkojuvvon giehtagirji dáid bargoneavvuid lassin. Giehtagirjji ulbmil lea fállat dieđuid nuoraid bargobájiid ja oassálastima lágideaddjiide ja láidet sin bargobájiid válmmaštallamis. Dat lea njuovžilis ja eaktodáhtolaš girji man sáhttá atnit ávkin iešguđetge oktavuhtii laktáseaddji erenoamáš árvvoštallamiiguin.