Nunani Issittorqarfiusuni Avannarlerni (Arktiskimi) anguniarniakkat unammillernartut Silarsuarmi pinngortitat innarlerneqarsimanngingajattut kingulliit ilaat Nunani Issittoqarfiusuni Avannarlerniipput (Arktisimi), pinngortitarssuamilutassani alianaangaartumiipput kultureqarnermut tunngassusillit eqqaassutissaqarfiit, tupinnangaartumik ukiorpassuit ingerlanerini inuit tamaani isseqisumi tujorminartumilu inuuniarsinnaasimanerannik takussutissaasut. Arktiskimi avatangiisit pinngortitarlu pillugit ulluttinni anguniagassat tassa qulakkiissallugu, suliniutit soorlu pinngortitamit pissamaatitut taasakkatta atornerlunneqarnerat, takornariartitsisarnernik suliaqartarnerit, silamiittarnerit ilisimatusarnerilllu, nungusaataanngitsumik ingerlanneqartarnissaat. Aatsaat taamaaliornikkut pinngortitat allanngorneqanngitsut illersorsinnaassagattigit, pinngortitallu uumassusillit assigiinngiiaarneri atatiinnarneqarsinnaallutik aammalu kultureqarnermut tunngassusillit eqqaassutissaqarfiit asseqanngitsut siunissamut isumannaajarneqarlutik. Nunani Avannarleni Qanoq Iliusissanut Pilersaarusiaq pinngortitaq-eqqaassutissaqarfiillu Arktiskimiittut - Kalaallit Nunaanni, Island-imi Svalbard-imilu akuersissutigineqarsimavoq 1999-mi tunaartarinerullugit Arktiskimi nungusaataanngitsumik ineriartortitsinissat siuarsarneqarnissaat. Siunertaasimavoq pinngortitap-eqqaassutissaqarfiillu ataatsimut isigalugit illersorneqarnissaannut pingaarutilinnik suliniuteqarnissat. Nunat assigiinngitsut akornanni taamak ataatsimut periaaseqarniarneq nutaaliatut isigineqarsinnaavoq. Qanoq Iliusissanut Pilersaarusiq suliarineqarsimavoq assigiinngitsorujussuarni iluarsartuullugu pilersaarusiorluni suliaasimasuni (projektini) qulingiluaasuni, maannakkullu naammassineqareersimasuni. Naammassinerisa inerneri uvani atuagaaqqami allaaserineqarsimapput.