Hefur þú velt því fyrir þér hverju þú fleygir í ruslið? Og hvað heldur þú að úrgangurinn sé mikill á einu ári? Ef við gerum ráð fyrir því að við fleygjum um 2 kg í ruslafötuna daglega alla 365 daga ársins, getum við reiknað út að hver og einn fleygir u.þ.b. 730 kg í ruslið árlega. Þetta verður mikill úrgangur þegar við erum mörg, t.d. allir nemendur í einum bekk. Gætum við notað eitthvað af þessu aftur eða á annan hátt?

Í þessu hefti er að finna fjölda skemmtilegra verkefna sem fjalla um hvernig við getum komið í veg fyrir myndun úrgangs frá fatnaði, mat og rafeindatækjum.